接<<三十七年前蜘蛛侠真人版>>-----两条友正响度叹紧烟,关公伛见到墙角度有只唔大唔细暨蜘珠正在爬上爬落,伛就话;阿鬼你见到吗?D蜘蛛真系得,琴甘鬼高又唔会跌鬼死,我答伛:我都得啦.关公唔鬼份,成个弹起话:你得?伛环顾四围又讲:你有鬼办法爬上银行屋顶(即系台西路夹西濠路之中心储蓄所)畀我睇!?我话输乜鬼?伛话\"丰收\"一支(因为关公用五分钱买鬼佐三支烟仔,果阵时D烟系可以卖散)杀鬼你!我话.我摄青鬼真系从来唔鬼识个死字点写,从我屋企天棚离银行屋顶还有几层高噜吗,算下我从光卓屋企天棚爬上小健暨天棚,再由小健天棚爬上坚夫天棚,再爬窗口上银行屋顶.一路,D窗口攀位好似为我阿鬼而设,下下岩岩好,一鼓作气大约两分钟就大功告成.我阿鬼企响全城最高处(或者县府大楼高些,或低些,当时觉得最高),前面我望到狮子山,后面望到砍头山.张开双手(电影<<铁达尼号>>果个镜头系抄袭我阿鬼暨依吗)果种感觉无法形容,成个人似响空中飞翔,下面D人似蚂蚁甘鬼细粒.偶鬼大喊一声:我上来啦!!!关公你争我支丰收!!!哈哈,如果换转阿波仔一早跌佐落去噜,因为阿波仔有畏高症.系唔系呀波仔?
原路返回.关公惊死蚀鬼底,点着支正野猛址几啖之后先畀我,闲话间,我同伛讲;我阿鬼唔单只识爬,仲识飞添.关公:真定假啊?乱呷廿四.珍珠都无甘真我话.我地行埋冷巷边,关公话:阿鬼,你唔系话飞过阿黄莺仔伛地果边吗?(黄莺仔----谭莺儿,伛地暨屋企西安路辅尾对住我地西濠路辅尾)我答:无错.伛又讲:如果我飞唔过去对面,跌鬼落去,卤鬼骨喂猫都无哇.最多我又变只猛少少暨摄青鬼,我答.你真系飞?伛又问.我答:睇你输乜鬼噜?伛两只手指钳着支烟,手指公托住下巴,果对关公眼半开半闭,成付奸公相.好!就赌.....!赌乜哇?果阵时我都想知伛耍乜鬼花样,就问.伛话:输---豉油捞饭一碗!好,又杀你!我又答,跟住我阿鬼企上去,一跃.关公咪埋对眼昏鬼底佐.果条相隔双条街暨冷巷话宽唔宽,话窄唔窄大约有五六米宽.但对于一个细露仔来讲就相当之宽.我谂从来除佐我阿鬼两兄弟可以飞来飞去之外(我大老阿杰亦可以飞)无人够胆有此壮举.我阿鬼暨感觉就好似时间突然停鬼顿佐,成个人似急冰佐褂响半空之中,唔知过佐几鬼耐听到轰甘一声,我突然醒番.又听见关公响果边喊:阿鬼啊,我都叫住孬鬼飞暨啦,你系要飞,宜家我点鬼同你屋企人讲呀,呜,呜,呜...我想起身闹鬼伛,但双脚麻哂,我坐响度卒卒双鬼脚,哈,郁返.甘我响黄莺仔果边企鬼起又是一跃,飞行过程中我见关公仆身向下望还响处哇哇喊.又是一声响,关公回头,我也着地,伛惊喜地讲:我以为跌鬼死你噜.我答:彻鬼崩你!你死我都未鬼死.突然,后面一声开门响,我同关公四目相对,即刻拿声跑到屋仔后面.\"边D死仔包响呢度跳来跳去呀!跳鬼烂哂D界砖(屋顶隔热层)死仔包...!@#$%^&*()~?一轮机关枪扫过来,屋仔后面烟雾四起(我地猛甘吹烟)伛点知我地系死仔包呢?傻仔问,我一巴过去:黄莺仔见到我地背后噜嘛.甘又系,关公扫下块面.我碗饭呢?我问.跟返屋企食罗伛答.临落楼前我地见黄莺仔天棚门无闩就一轮手榴弹(石仔砖头)对住门口系甘轰炸,只闻乒乒乓乓打烂暖壶茶杯花瓶之类响声,跟住又一轮机枪哒哒哒!@#$%^&*()?~,我地仆响我地边楼梯边用手封住口唔敢笑大声.后来阿黄莺仔都原谅佐我地,早几年同学电话会议中话唔使我地赔罗,听讲话打烂佐暖壳两个;清朝乾龙茶具一套;宋代大花瓶一个;汉朝兵马勇一个;毛主席接见红卫兵镜架一个还有其他...真系感到十分内疚.
返到关公屋企,无人响企,衰仔响纱柜仔内拧出碗饭淋D豉油又加一匙猪油抄反就队过来,我一嗦,哗,我从未食过甘好味暨饭,我由摄青鬼变佐饿鬼.呢碗先自系天下第一饭,即使我到今时今日还怀念果碗饭.唔够十秒钟饭全部滑入鬼肚,舔舔利问仲有无呀?关公话:有,不过系我食唔系畀你只饿鬼食,衰仔响柜仔度再神出一碗饭照整,果只味真系无法抵挡.饿鬼求再畀D食下,关公唔制,装伛食食下,饿鬼就突然抢碗,你我相持不下加上呢碗加料猪油,一滑手\"嘭\"声跌烂佐大家都无得食.与此同时有一男人声:边个又打烂野呀!败,关公老豆返来!一个高大戴眼镜暨男人入屋,我阿鬼一摄落佐楼乜都唔知. 完.
［此帖子已被 摄青鬼. 在 2007-10-26 11:08:29 编辑过］ ［此帖子已被 摄青鬼. 在 2007-10-26 11:20:17 编辑过］ |
楼主: 摄青鬼.
窥视卡
雷达卡
发表于 2007-10-26 06:07:28
照妖镜
楼主
