三叔公響圍村輩份高眾所周知,在圍村族普排行字列 “國博遠羅瑰碧天匆……”屬博字,佢系高班但年紀与我等不相上下,而長相偉岸曾讓多少村姑傾慕不得而知.但那年代异性交往像搞地下工作,分分鐘一經查處,流放邊疆是常有的事.因而三叔公和叔婆早早完婚免得有日被棒打鴛鴦而兩地相思.叔婆為人心直口快,好抱打不平,對圍村組織建設不遺余力,系 “黨叫干啥就干啥”個只,另外叔婆響圍村后山所种之檳榔番薯遠近聞名而有 “大番薯”之美譽.
轉眼到了改革開放年代,圍村家家戶戶乘風破浪,出外求學的,做生意的,還有漂洋到外國謀生,但叔婆一時難以适應新時代就几大都吾俾三叔公出村,並划出三叔公的自由活動范圍系祠堂-----榕樹頭,最多一齊到台城趁二七圩.
記得當年有次返圍村過春節,一入村只見三叔公捧支大碌竹(水煙筒)響榕樹頭吹並看住几個細路,和他傾起村外變化得知他好想外出逛逛,佢話羅卜与匆匆等才女亦向叔婆提過此事,但叔婆惊佢跟住才女們一來不便二來會花心,所以一直都冇成行,三叔公叫我和叔婆再提,跟你出去一定冇問題,當我和叔婆提出估吾到叔婆一口便應成,重話如果三公吾接受多D新事物,出年選村長就連資本都吾夠. 我和三叔婆一起幫三公(以下簡稱三公)打扮一翻,先將佢條衭頭褶三褶的唐衭和個條燈芯繩加個 “順治通寶”銅錢的衭頭帶連木劇拖鞋丟掉.換上舊年木工回鄉時送佢那一套四袋軍裝和皮鞋,睇落成個退休軍官一樣,我話三公知,現時外面先敬羅衣后敬人,到時入省城我當你系首長,不論買野或吃餐,我問首長你嗯,嗯二聲就得,臨行前三婆備一大袋番薯話出外吾慣其他食物就食番薯,又塞一大舊錢叫三叔買手信返來俾佢.
車從珠江橋入城,在中山七路和荔灣路口叫司机讓我們下車,我話三公知,省城最長就是中山路,由一路到八路几乎橫穿大半個廣州,我住中山五路,我准備帶你從這里步行到中山四路,買些你喜歡的東西和吃些有名食物.佢一路行一路趙大番薯,我叫佢吾好吃飽,留個肚吃地道菜.好快行到中山六和太平路口,三公突然嗯,嗯聲,你有乜事我問, “我要痞坑.”佢一边答一边用双手捂住个肚,我都叫你吾好食咁多番薯啦,對面有间回民飯店啱裝修完,上去解決應冇問題.入到廁所佢走返出來話我知入面冇坑淨系痰壺,我話哩D系座廁若你要痞上去小心吾好撻落來,只見佢嗯,嗯又走返入去,冇几耐三公出返來細細聲話我知,有人俾D廁紙好軟一抹就穿孔吾似圍村D手紙厚到要搓軟先吾怕割个Pat,我一听即問佢有冇洗手,佢又話水喉冇開關嗯–嗯,又要帶佢返入去洗手,佢吾知家陣好多水喉用电眼.繼續沿中山六路向东行,嗯,嗯省城D人又靚又叻,浪衫竹放车頂,D人着衭越低越寬,实系落雨做工時昜优衭脚,三叔問題好得意.个D吾系浪衫竹而系电車傳电杆,衭脚寬叫喇叭衭,我話.嗯-嗯碧咸冇鬼用,外面咁好玩吾話我知,三公自言自語.開始過解放路進入中山五路,我話三公知哩度系省城最熱鬧既地區之一,哩間叫湖北飯店,入面水餃和小籠包好出名,對面巷口叫雨帽街,個擋云吞面冇得彈,對面另一巷口蔗汁最甜,三公想食邊欸,佢揀云吞面一趙二大碗,再到公園前新星戲院隔离買個雪糕筒,好似BB吮奶咁汁,汁聲,好快過佐教育路並話佢知哩度系春節四大花市之一.嗯嗯哩間戲院好靚,系啊哩間叫新華戲院系全市最好的電影院,遲日叫匆匆倍你入去睇電影.我帶他到省城出名的艷芳照相館影個首長照然后行入中山五路百貨商店買手信.到佐女性用品部,三公眼甘甘望住一樣野成個呆晒, “老首長您喜歡買什么送給老伴呀?”我問,果個原先愛理不理的服務員一听,成個跳起:老首長,您需要什么我幫您挑,保証您滿意.我知她想搏升職先咁好心,三公細細聲話要背心, “首長,現代女性不穿背心的啦,穿這個比穿什么背心都強.”她一邊介紹一邊指住個柜各欸文胸,我正要話三公知冇背心,誰知佢猛拉我衫角,我明白佢就是中意哩樣,我叫服務員各欸式几個買夠一打, “您要什么尺寸才合适呢?”我轉頭剛要問,嗯吾見人既,一望原來三公哩埋條柱度用手系咁比划大細,我都吾好意思久留,叫服務員大中小各四包好雞咁腳走. “下次買哩D野叫羅卜仔幫你.”我話,嗯,嗯吾好意思叫羅卜仔既.佢答.跟住去大學鞋店買二對皮鞋然后買半只東江鹽焗雞做晚飯,野味香狗肉佢冇興趣,走入儿童公園照哈哈鏡笑到三公見牙吾見眼,再返來中央公園睇人玩雀.眨眼一日己過,我到公用電話用四分錢打傳呼電話給羅卜仔叫佢准備明日帶三公繼續省城游……….
  |
窥视卡
雷达卡
发表于 2005-12-21 03:50:53
提升卡
置顶卡
沉默卡
喧嚣卡
变色卡
千斤顶
照妖镜
发表于 2005-12-21 07:15:36
楼主
发表于 2005-12-21 09:50:16
